जब गुरू शिश्यहरु याद आउँछन् मलाई।

गजल Unknown

जब गुरू शिश्यहरु याद आउँछन् मलाई।
एकलव्य र द्रोणहरु याद आउँछन् मलाई।

टाउको माथि जूनताराको आकाश देख्नै हुन्न,
आमा बा'का हातहरु याद आउँछन् मलाई।

बाहिर जति हासे पनि फूल जस्तै तिमी,
भित्री तिम्रा चोटहरु याद आउँछन् मलाई।

घाउमा जब नुनचुकको स्वागत हुने गर्छ,
तब भने मित्रहरु याद आउँछन् मलाई।

बिर्सूँ भन्छुँ जस्लाई मैले बिर्सूँ अब देखि,
उसैका यी यादहरु याद आउँछन् मलाई।
(झन उसैका यादहरु याद आउँछन् मलाई।)

४ feb 2014
at-malaysia
-श्रीजन श्री